शिवराजमा सुरक्षा प्रणालीलाई सशक्त बनाउन वडा प्रहरीलाई मोटरसाइकल हस्तान्तरण ।।

नवराज पौडेल लोक सञ्चार मिडिया प्रा.लि कपिलवस्तु

कपिलवस्तुको शिवराज नगरपालिकाले वडा प्रहरी कार्यालय चन्द्रौटालाइ शान्ति र सुरक्षा व्यवस्थापनलाई थप प्रभावकारी बनाउनका लागि एक थान मोटरसाइकल हस्तान्तरण गरेको छ।
मोटरसाइकल हस्तान्तरण कार्यक्रमलाई सम्बोधन गर्दै शिवराज नगरपालिकाका नगर प्रमुख अजय थापाले , “शिवराज नगरपालिका सदैव आफ्नो नागरिकहरूको सुरक्षा र शान्ति सुनिश्चित गर्न प्रतिबद्ध रहेकाले सुरक्षा क्षेत्रका लागि गरेको एउटा सानो तर महत्वपूर्ण योगदान रहेको उहाँले बताउनु भयो ।
स्थानीय प्रहरीलाई प्रभावकारी रूपमा कार्य गर्नका लागि आवश्यक सामग्री र साधनको उपलब्धता अत्यन्तै महत्त्वपूर्ण रहेको हुँदा नगरपालिकामा रहेको मोटरसाइकल हस्तान्तरण गरिएको बताउनु भयो ।
बढ्दै गइरहेको लागू औसध दुर्व्यसनी रोकथाम तथा शान्ति र सुरक्षा कायम राख्नका लागि मोटरसाइकल हस्तान्तरण गरिएको हो ।

कार्यक्रममा प्रमुख प्रशासकीय अधिकृत बाबुराम पौडेलले आफ्नो धारणा व्यक्त गर्दै सुरक्षा व्यवस्थामा निरन्तर सुधार आवश्यक रहेकोले शान्ति र सुरक्षालाई कुनै पनि स्थानमा उच्च प्राथमिकता दिनुपर्ने कुरा रहेको बताउनु भयो ।
प्रहरीको सञ्जाल र द्रुत प्रतिक्रिया प्रणालीलाई बलियो बनाउने प्रयासमा हामीले यो कदम चालेका छौं पौडेलले भन्नू भयो ।

वडा प्रहरी कार्यालय चन्द्रौटाका प्रमुख सुजन शाहले नगरपालिकालाई धन्यवाद ज्ञापन गर्दै । सहयोग प्राप्त हुँदा आफ्नो कार्यक्षेत्रमा अझ बढी प्रभावकारी ढंगले काम गर्न । यसले कामको गति र कुशलतालाई बढाउन मदत पुग्ने बताउनु भयो ।

उहाले सामाजिक सुरक्षा र शान्तिको सुनिश्चिततामा प्रहरीको भूमिका अत्यन्त महत्वपूर्ण रहेको यस प्रकारको सहयोगले स्थानीय प्रशासन र नागरिकहरूको बीचको विश्वास र समन्वयलाई थप सुदृढ पार्ने बताउनु भयो ।