गोल्डेन पार्क्स एकेडेमीको १४ औं वार्षिक उत्सव तथा परिक्षाफल प्रकाशन कार्यक्रम  सम्पन्न

नवराज पौडेल कपिलवस्तु ।।

कपिलवस्तुको शिवराज नगरपालिका ३ मा रहेको  गोल्डेन पार्क्स एकेडेमीको १४ औं वार्षिक उत्सव तथा शैक्षिक सत्र २०८१ को वार्षिक परीक्षाफल कार्यक्रम सप्पन्न भएको छ ।
विद्यालयका संस्थापज अध्यक्ष  ईश्वरी प्रसाद पाण्डेको अध्यक्षतामा र लुम्बिनी प्रदेश सभासद अर्जुन कुमार केसी ज्यूको प्रमुख आथित्यामा सम्पन्न  कार्यक्रममा विद्यालयका शिक्षक-शिक्षिकाहरू, विभिन्न विद्यालयका प्रधानाध्यापकहरू, अभिभावकहरू र विद्यार्थीहरूको उपस्थितिमा विभिन्न सांस्कृतिक कार्यक्रमहरूको आयोजना गरिएको थियो।

विद्यार्थीहरूले आफ्नो कला र प्रतिभा प्रस्तुत गर्दै कार्यक्रमलाई विशेष आकर्षक र मनोरञ्जनपूर्ण बनाएका थिए।
कार्यक्रमको उद्घाटन समारोहमा विद्यालयका अध्यक्ष इस्वरी  प्रसाद पाण्डेले विद्यालयको शैक्षिक सफलता र विद्यार्थीहरूको समग्र विकासको मार्गमा भइरहेका प्रयत्नहरूलाई मूल्यांकन गर्दै, आगामी दिनमा अझ उत्कृष्टता हासिल गर्ने प्रतिबद्धता जनाउनु भयो ।  प्रमुख अतिथि लुम्बिनी प्रदेश सभासद अर्जुन कुमार केसीले शिक्षा र संस्कृतिका क्षेत्रलाई अझ सुदृढ बनाउँदै, समाजको समग्र प्रगतिको लागि सबैको योगदान आवश्यक रहेको बताउनुभयो।
कार्यक्रममा  विभिन्न सांस्कृतिक कार्यक्रमहरूसँगै विद्यालयका विद्यार्थीहरू तथा शिक्षिकाहरुले  आत्मविश्वासका साथ आफ्नो कला प्रस्तुत गर्दै, कार्यक्रमलाई मनोरञ्जन र प्रेरणाको स्रोत बनाएका थिए।  कार्यक्रमलाई अझै उत्कृष्ट तथा विद्यार्थीको क्षमता अभिवृद्दिकालागी विद्यार्थीलाई नै कार्यक्रम सन्चालन जिम्मा दिइएको थियो ।

कार्यक्रममा सहभागी सबैको सहयोग र योगदानले यो कार्यक्रम सफलतापूर्वक सम्पन्न भएको प्र.अ राम चन्द्र अधिकारिले बताउनु भयो । गोल्डेन पार्क्स एकेडेमीको १४ औं वार्षिक उत्सवले विद्यालयको शैक्षिक र सांस्कृतिक क्षेत्रमा भएका प्रगतिको प्रदर्शन गर्दै भविष्यमा अझ उचाइमा पुग्ने आशा र उत्साहको वातावरण सिर्जना गर्ने प्रयन्त गरिएको उहाले बताउनु भयो ।